Regione Sardegna
Cun sa Lei regionali n.3 de su 9 de martzu de su 2022, art.13, comma 2, lìtera b), “Disposizioni in materia di contrasto allo spopolamento”, sa Regioni Sardìnnia at postu a disponimentu contributus a “fondo perduto” po parai fronti a su spopulamentu me in is comunus piticus de Sardìnnia.
Su contributu fait a ddu giai a chini tenit sa residèntzia anagràfica in d-una biddighedda pitica de sa Sardìnnia o a chini nci càmbiat sa residèntzia anagràfica a intru de 18 mesis de candu at comporau sa domu o de candu at acabbau is traballus, bastit chi no ndi bèngiat de un’àteru comunu piticu de Sardìnnia. Su contributu fait a ddu giai finsas a is chi si nci càmbiant sa residèntzia e chi non bivint, candu presentant sa domanda, in d-unu Comunu sardu.
Su contributu màssimu chi fait a giai est de su 50% de sa spesa, po unu tantu màssimu de 15.000 èurus (in su pròpiu nùcleu familiari no nci podit essi prus de unu benefitziàriu) e fait a ddu giai finsas a is chi bolint comporai e aconciai paris (su màssimu est sèmpiri de 15.000 èurus). Su contributu fait a ddu giai a unu nùcleu familiari chi est nascendi (mancai formau de una personi sceti) e finsas si su nùcleu familiari chi nd’arribat at giai gosau de su pròpiu contributu po un’àtera domu.
A su comunu de Siamanna, cunformas a is parametrus chi at stabiliu sa Regioni, dd’ant assinniau 87.770,57 èurus in totu, partzius in tres annualidadis: 29.256,86 èurus po s’annualidadi 2022, 29.256,86 èurus per po s’annualidadi 2023 e 29.256,86 èurus po s’annualidadi 2024.
Su bandu po giai is contributus at a essi publicau in su giassu istitutzionali de su Comunu de Siamanna candu e cunformas a cantu at a stabiliri sa Regioni Sardìnnia.
S’avisu in italianu s’agatat publicau in su giassu istitutzionali de su Comunu de Siamanna.
In su giassu istitutzionali de sa Regioni Sardìnnia https://www.regione.sardegna.it/j/v/2644… fait a ligi is finantziamentus assinniaus a is àterus comunus de Sardìnnia.