Unione dei Comuni della Bassa Valle del Tirso e del Grighine

Introduiu cun sa Lei de Bilàntziu 2022 in bia sperimentali po is annus 2022-2023, su Bonus IMU, est unu contributu po pagai s’IMU a favori de is sugetus titularis de atividadis cummertzialis a sa minuda e artesanus chi cumentzant, sighint a fai o nci càmbiant s’atividadi issoru a una bidda de s’àrea interna chi arriscat de si nci sperdi. 

S’amministratzioni comunali de Àllai, cunformas a is dispositzionis de sa L. 234/2021, art. 1, comma 353 e a su Decretu n.230 de su 30 de maju de su 2022 de su Ministeru de sa Cultura chi at stabiliu is critèrius e is modalidadis po giai su contributu, at publicau su “Bandu pùblicu po giai contributus po pagai s’imposta munitzipali pròpia (IMU), po su 2022, a favori de is titularis de atividadis cummertzialis a sa minuda e artesanus chi cumentzant, sighint a fai o nci càmbiant s’atividadi issoru a una bidda pitica cun d-populatzioni chi non propassat is 500 bividoris”.

Totu is sugetus in possessu de is rechisius spetzificaus in su Bandu podint presentai domanda a intru e no a pustis de 30 diis de candu est stètiu publicau su bandu.

Is domandas cumpiladas comenti si spetat e in su mòdulu a posta bolint presentadas a intru de su 5 de cabudanni de su 2022 in una de custas maneras:

• mandadas a s’indiritzu de Posta eletrònica Tzertificada (PEC) de su Comunu: Questo indirizzo email è protetto dagli spambots. È necessario abilitare JavaScript per vederlo.
• giadas in deretura a manus in s’Ufìtziu de su Protocollu de su Comunu de Àllai

No ant a essi pigadas in perunu cunsideru is domandas:

• cumpiladas in d-unu mòdulu diferenti de cussu chi at aprontau su Comunu (Allegau A);
• presentadas in àteras maneras de cussas stabilias in su bandu;
• cumpiladas in manera diferenti de is chi sunt is inditus de su Bandu.

Su Ministeru de sa cultura at a podi fai controllus amministrativu-contàbilis, a campioni puru, cunformas a s’artìculu 71 de su DPR 28.12.2000, n.445, po averiguai chi is domandas de contributu siant in règula.

Su Responsàbili de su protzedimentu, cunformas a sa L. 241/1990, est Dot.ra Maria Elena Dessì, Ufìtziu finantziàriu e de sos Tributos Tel.: 07836813; mail: Questo indirizzo email è protetto dagli spambots. È necessario abilitare JavaScript per vederlo.

Su bandu in italianu, su mòdulu de domanda e is àterus allegaus sunt publicaus e fait a ndi ddus scarrigai de su giassu istitutzionali de su Comunu de Àllai.