Regione Sardegna
Sa Pro Loco de Biddanoa Truschedu cun s’agiudu de s’Amministartzioni comunali e de sa Regione Autònoma de Sardìnnia at cuncordau po sàbudu 13 de austu de su 2022 sa Festa dell’emigrato.
Una dii dedicada a totu is biddanoesus disterraus chi sunt partius in circa de traballu e sunt abarraus a bivi in bidda de foras ma chi torrant donni annu, in s’istadi, a bidda issoru po agatai a is parentis e a is amigus.
S’atopu est in Santu Millanu cumentzendi de is seti de merii. Innia a is otu e mesu nc’at a essi una cena cun mandiaris tìpicus (culurgionis de sparau e arrescotu, malloreddus a sa campidanesa e petza arrustia) e s’at a sighiri a abarrai paris spassiendi.sì cun mùsica, karaoke e animatzioni.
Po àterus informus e po castiai su manifesteddu de sa festa fait a intrai a su giassu istitutzionali de su Comunu de Biddanoa Truschedu o a sa pàgina FB cosa sua.