Regione Sardegna
S’Amministratzioni comunali de Ollasta at cuncordau po sàbudu su 3 de cabudanni de su 2022 una dii intrea de nci passai in su parcu Diverland de Cuartùciu.
Su Comunu at a ponni a disponimentu su postali po andai e torrai, invècias su tantu de su billetu po intrai a su Parcu est a càrrigu de is famìllias. Si pagat 19,00 èurus peròmini, chi bolint giaus candu unu presentat s’iscritzioni. Po dònnia mannu chi pagat podit intrai de badas unu pipieddu chi no arribat a unu metru e dexi. Is pipius chi propassant su metru e dexi ant a pagai 19 èurus aici comenti is mannus.
Sa gita est pensada po totu is famìllias cun pipieddus chi sunt residentis in su Comunu de Ollasta, si previdit unu mìnimu de 20 e unu màssimu in 160 partetzipantis.
Is chi bolint pigai parti a sa gita si nci depint scriri a intru de su 11 de austu de su 2022 in s’Ufìtziu de su Protocollu de su Comunu.
S’at a movi a is 7.30 de mangianu de Pratza Brigada Tàtari.
Su manifesteddu, su mòdulu de domanda e sa dèlega de cumpilai po is pipieddus chi no ant a acumpangiai is genitoris s’agatant publicaus e fait a ndi ddus scarrigai de su giassu istitutzionali de su Comunu de Ollasta.