Regione Sardegna
Ocannu puru sa Caritas Diotzesana Arborense bolit sighiri s’impìnniu suu a favori de is giòvanus e promovit su bandu de cuncursu po giai 20 bussas de stùdiu de 500 èurus donniuna.
Su bandu est destinau a is studiantis chi si sunt diplomaus in s’annu de scola 2021/2022, residentis in su territòriu de sa Diòtzesi de Aristanis, e chi po s’annu acadèmicu 2022/2023 si bolint scriri a unu cursu de làurea triennali o magistrali a tziclu ùnicu.
Is domandas bolint presentadas a intru de su 4 de donniasantu de su 2022 e a pustis s’at a fai una seletzioni a tenori de su rèdditu e de su votu. Is domandas chi ant a arribai a pustis de su tempus stabiliu no ant a essi pigadas in perunu cunsideru.
Su bandu de cuncursu in italianu, su mòdulu po fai sa domanda e totu is àterus allegaus fait a ddus ligi e a ndi ddus scarrigai de su giassu istitutzionali de sa CARITAS (e s’agatant publicaus in su giassu istitutzionali de su Comunu de Simaghis puru)
Po totu is àterus informus: Questo indirizzo email è protetto dagli spambots. È necessario abilitare JavaScript per vederlo. Tel. 0783.70641/389.4792572