Regione Sardegna
Su responsàbili de su setori amministrativu fait a sciri ca nc’est tempus finsas a su 5 de cabudanni de su 2022 po fai is domandas po arriciri sa bussa de stùdiu cunformas a su Regulamentu comunali aprovau cun sa deliberatzioni de Consillu Comunali n. 23 de su 29.11.2019, in favori de is studiantis chi merescint e chi ant frecuentau sa scola segundària pùblica o paritària de primu e segundu gradu, chi bivint in famìllias cun d-una situatzioni econòmica dificultosa.
Sa domanda bolit presentada in su mòdulu a posta chi at aprontau su Comunu, chi fait a nd’arretirai inderetura in s’Ufìtziu de su Protocollu o a ndi scarrigai de su giassu istitutzionali. Paris a sa domanda tocat a nci ponni finsas sa còpia de s’ISEE in cursu de valididadi.
Sa bussa de stùdiu est destinada sceti a is studiantis cun d-un’ISEE (indicadori de sa situatzioni econòmica ecuivalenti) chi non propassit is 20.000 èurus e chi in s’annu de scola 2021/2022 nci sunt essius cun d-unu votu non prus bàsciu de “buono”, poi s studiantis chi ant frecuentau sa scola mèdia, e no a suta de su 7 po cussus chi ant frecuentau is scolas mannas (sena dèpidus formativus).
Po totu is informus fait a pregontai in is Ufìtzius comunalis tzerriendi a su nùmeru 0783. 6813-internu 1 o a mandai una mail a unu de custus indiritzus de posta eletrònica:
Questo indirizzo email è protetto dagli spambots. È necessario abilitare JavaScript per vederlo. /Questo indirizzo email è protetto dagli spambots. È necessario abilitare JavaScript per vederlo.
S’avisu in italianu e su mòdulu de domanda s’agatant publicaus in su giassu istitutzionali de su Comunu de Àllai.