Regione Sardegna
Si fait a sciri a totu is interessaus ca su Comunu de Otzana, cun sa tarea de promovi e avalorai sa lìngua e sa cultura sarda e po arregordai is 150 annus de sa morti de su poeta Giuseppe Soru, at cuncordau unu prèmiu literàriu de poesia in lìngua sarda intitulau pròpiu a su poeta.
A su Prèmiu de poesia sarda "Giuseppe Soru" podint pigai parti totus cun òperas in lìngua sarda scritas in cali si siat varianti o in d-una de is variedadis alloglotas fueddadas in Sardìnnia: Tataresu, Galluresu, Catalanu de Alghero, Tabarchinu.
Is poesias, a tema lìberu, in rima o in versus scapus, non depint essi prus longas de cuaranta versus, màssimu cincuanta versus po is modellus de sa traditzioni sarda. Diat a essi cosa agradessida a mandai paris a sa poesia sa tradutzioni in italianu puru, est òbrigu a dda mandai po is poesias scritas in Algheresu o in Tabarchinu.
Is òperas, non prus de duas, inèditas e mai premiadas innantis in àterus cuncursus, nen publicadas in giassus internet, web, blog literàrius o àteru social, depent arribai anònimas e marcadas sceti cun unu pseudònimu o unu dìciu a intru de giòbia 25 de austu de su 2022 in sa posta ordinària o in sa posta eletrònica cunformas a cantu stabiliu in su bandu.