Regione Sardegna
Si fait a sciri a is interessaus ca sunt abertus is tèrminis po presentai is domandas po su programma regionali R.E.I.S. “Rèdditu de inclusioni sotziali - Agiudu Torrau” cunformas a sa lei regionali n.18 de su 2 de austu 2016, de sa D.G.R. 23/26 de su 22.06.2021 e de sa D.G.R. 34/25 de su 11.08.2021.
Podint fai domanda po su REIS is nùcleus familiaris, cussus formaus de una pessoni sceti puru, e finsas is famìllias chi cunvivint de ses mesis, e innui assumancus unu tenit sa residèntzia, de non prus pagu de binticuatru mesis, me in su territòriu de sa regioni. Su de tenni sa residèntzia de binticuatru mesis non si pigat in cunsideru po is emigraus chi nci sunt torraus a logu issoru e po is famìllias de issus (L.R. N° 18/2016 art.3 comma 3 “ “requisiti e condizioni di accesso” e ss. mm. ii).
Po podi fai domanda po su REIS tocat chi su nùcleu familiari, gasi comenti spetzificau in artu, tengiat custus tìtilus:
- Valori ISEE ordinàriu o currenti 2022, finsas a 12.000 èurus;
- valori de su patrimòniu immobiliari, comenti definiu po s’ISEE, diferenti de sa domu de residèntzia, chi non propassit is 8.000 èurus, prus 2.000 èurus po dònnia cumponenti de su nùcleu familiari in prus de su primu, finsas a unu màssimu de 12.000 èurus, prus àterus 1.000 èurus po dònnia fìgiu a pustis de su segundu, a custu tanti tocat a aciungi 5.000 èurus po dònnia cumponenti disàbili e 7.500 èurus po dònnia cumponenti cun disabilidadi gravi meda o chi no est autosufitzienti;
- Po is pessonis e famìllias cun d-un’ISEE ordinàriu intra de 9.360,00 e 12.000 èurus, chi arresurtant in sa Prioridadi 4, in prus de tenni is tìtulus giai naus innantis, at a essi pigau in cunsideru su valori ISR (indicadori de sa situatzioni reddituali) cunformas a is fàscias de rèdditu inditadas in is Lìnias guida regionalis.
Sa domanda de partetzipatzioni, paris a totu is allegaus pedius, tocat a dda presentai de su 8 de trìulas 2022 finsas a is 13.00 de su 8 de austu 2022, fait a nci dda ghetai a intru de sa cascitedda de sa posta chi s’agatat a canta a s’intrada de Comunu o nci bolit mandada cun arrecumandada A/R a s’Ufìtziu de su Protocollu de su Comunu de Ollasta o a s’indiritzu PEC de su comunu: protocollo@pec.comunediollastra.it, compilendi sceti su mòdulu aprontau a posta in Comunu.
Is mòdulus de domanda s’agatant in su giassu www.comune.ollastra.or.it e in Comunu (in s’esposidori a canta a s’intrada de su comunu).
Paris a sa domanda est òbligu a ponni custus documentus (sena de cussus sa domanda no at a essi pigada in perunu cunsideru):
- còpia de unu documentu de identidadi in cursu de valididadi de chini fait sa domanda;
- còpia de s’ISEE 2022;
- ritzevuta de presentatzioni de sa domanda po su Rèdditu de Tzitadinàntzia;
- ritzevuta de èsitu negativu o decadèntzia de su Rèdditu de Tzitadinàntzia;
- si unu pigat su Rèdditu de Tzitadinàntzia, autodecraratzioni de cantu tirat a su mesi;
- àterus documentus chi podint serbiri po valutai sa domanda (invalididadi tzivili, lei 104/92 etc).
Su bandu pùblicu, su mòdulu po fai sa domanda e totu is allegaus s’agatant publicaus in su giassu istitutzionali de su comunu de Ollasta.