Regione Sardegna
Su servìtziu cunsentit de arriciri a manera fàtzili, lestra e de badas informus de utilidadi pùblica o de emergèntzia chi pertocant su territòriu de su Comunu de Siamanna.
Is messàgius ddus mandant in cussa chi in inglesu si narat modalidadi broadcast, bolit nai ca no sunt a intru de unu grupu e duncas nisciunu podit biri is cuntatus de is atrus ma su cuntatu est sceti tra su Comunu e su su tzitadinu iscritu a su servìtziu.
COMENTI FAI PO ATIVAI SU SERVÌTZIU
- Tocat a compilai su mòdulu po giai su cunsensu a su tratamentu de is datus e s’informativa po manigiai is datus, is mòdulus sunt disponìbilis in su giassu istitutzionali de su Comunu e in s’esposidori chi s’agatat me in s’intrada de comunu e a nci ddu betai a sa cascitedda de sa posta a canta a s’intrada de su Comunu oghinou fait a nci ddu mandai a s’indiritzu mail: Questo indirizzo email è protetto dagli spambots. È necessario abilitare JavaScript per vederlo.;
- tocat a sarvai in sa rubrica de su telefoneddu su nùmeru 393 8028352 ''Comunu de Siamanna''. Sena de sarvai su nùmeru no fait a arriciri is messàgius (protzedura spetzìfica poi s listas broadcast, po amparai sa privacy de is tzitadinus);
Fait a si scancellai de su servìtziu in cali si siat momentu, mandendi su messàgiu cun sa scrita “mi scancellu”.
Su nùmeru 393 8028352 balit sceti po su servìtziu chi semus nendi e no podit a arrespundi a tzerriadas o a messàgius WhatsApp.
ASSISTÈNZIA E INFORMUS
Po àterus informus e si nci est cosa de sinnalai in contu de su servìtziu fait a tzerriai a is ufìtzius comunalis.
S’avisu in italianu s’agatat publicau In su giassu istitutzionali de su Comunu de Siamanna e de ingunis fait a ndi scarrigai is mòdulus po giai su cunsensu a s’ativatzioni de su servìtziu WhatsApp