Regione Sardegna
Su Consillu comunali de Siapicia at aprovau su regulamentu chi stabilit de giai un’agiudu in dinari a chini at a arregolli unu cani scapu, allistau a nòmini de su Comunu e acasagiau in su canili a pagamentu.
Po tenni su contributu tocat a sighiri totu is arrègulas stabilias in su regulamentu comunali.
Po fai sa domanda tocat a ndi scarrigai su mòdulu e is àterus documentus chi s’agatant publicaus in su giassu istitutzionali de su Comunu.
Est pretzisu a nai ca in terrenu comunali ant agatau cuatru catzeddus bellus de arratza meticia abbandonaus e, pagu tempus a immoi, unu cani maremmanu puru.
Totu is canis immoi s’agatant in Silì in su canili de Sandru Piras.
Po fai a mancu chi sa spesa po nordigai a is canis siat a càrrigu de su comunu e po ddis giai una famìllia chi ddus acudit, chini ndi bolit pigai unu o prus de unu, podit tzerriai a su canili de Sandru Piras a custu nùmeru 078326232 oghinou fait a scriri una mail a s’indiritzu Questo indirizzo email è protetto dagli spambots. È necessario abilitare JavaScript per vederlo. o a pregontai informus a su Comunu.
Cunforma a su regulamentu nou su comunu at a giai unu contributu a chini at a giai una domu noa e afetu a s’amigu nou a cuatru peis.
S’avisu, su regulamentu e su mòdulu de domanda s’agatant publicaus in su giassu istitutzionali de su Comunu de Siapicia.