Regione Sardegna
S’Assessorau regionali de su traballu at publicau is domandas frecuentis agiornadas a su 30 de làmpadas de su 2022 (FAQ) in contu de s’avisu a sportellu po giai un’indennidadi “una tantum” a favori de ditas o traballadoris autònomus chi no ant pòtziu traballai in su tempus de sa pandemia.
Sa tarea de s’avisu pùblicu est cussa de pigai dispositzionis po parai fronti a su dannu sòtziu-econòmicu acapiau a s’emergèntzia sanitària de su Covid-19 chi at fatu firmai de su totu o smenguai meda su traballu in su 2020 e 2021.
Is domandas de indennidadi telemàtica (DIT) fait a ddas presentai sceti po mesu de s’aplicatzioni chi sa Regioni Autònoma de Sardìnnia at postu a disponimentu in s’ambitu de su Sistema informativu de su traballu e de sa formatzioni professionali (SIL) a s’indiritzu: www.sardegnalavoro.it cumentzendi de:
- is 10.00 de su 4 de trìulas 2022 e finsas a is 23.59 de su 18 de trìulas 2022, po is categorias chi sunt spetzificadas de sa lìtera a) a sa lìtera h) e francu po cussas de sa lìtera c);
is 10.00 de su 5 de trìulas 2022 e finsas a is 23.59 de su 18 de trìulas 2022, po totu cussus chi faint atividadis ocasionalis de B&B sena de partida iva comenti spetzificau in sa lìtera c) de s’avisu.
S’avisu e totu is àterus documentus s’agatant publicaus in su giassu istitutzionali de sa Regione Sardìnnia e fait a ddus ligi e a ndi ddus scarrigai intrendi a custu link.