Regione Sardegna
Si fait a sciri a is interessaus ca fait a fai domanda po arriciri is Bonus po is fainas de s’istadi cuncordadas po is piciocheddus de is 3 a is 17 annus.
Su bonu de servìtziu est unu agiudu econòmicu de unu tanti de dinari chi si giait po parai fronte a is spesas chi is famìllias de is pipius faint po gosai de unu servìtziu de s’istadi, po is spesas de s’ iscritzioni e po gosai de unu servìtziu estivu cuncordau de is ditas chi si sunt acreditadas in s’Unioni de is Comunus de sa Baddi Bàscia de su Tirsu e de su Grìghini.
Su bonu ddu giait su comunu, chi at a torrai parti de sa spesa fata, a pustis chi si presentat sa fatura o ritzevuta, fata de su fornidori, chi atestat ca su pipiu at pigau parti a su servìtziu. Fait a giai un’acontu, totu o unu tanti de dinari, sceti in situatzionis particularis de apretu sotziali e econòmicu e, a dònnia modu, in tzircustàntzias aici at a essi s’Ufìtziu de is Servìtzius Sotzialis a biri su de fai.
Is bonus sunt personalis, no fait a fai a càmbiu a pari e mancu a ddus giai a àtere.
Su tanti màsimu chi fait a giai est 300 èurus, in situatzionis particularis sceti, chi at a stabiliri su Servìtziu sotziali, pighendi in cunsideru sa situatzioni econòmica ecuivalenti cunformas a sa tzertificatzioni ISEE 2022.
Is interessaus podint fai domanda po arriciri su Bonus Servìtziu a s’Ufìtziu de is Servìtzius Sotzialis de su Comunu de Ollasta, cumentzende de su 30 de làmpadas finsas a su 15 de trìulas 2022. Sa domanda cheret presentada in su mòdulu chi su comunu at aprontau a posta. Tocat a presentai una domanda po dònnia fìllu.
S’avisu pùblicu in italianu e su mòdulu de domanda paris a totu is àterus allegaus s’agatant publicaus in su giassu istitutzionali de su Comunu de Ollasta.