Unione dei Comuni della Bassa Valle del Tirso e del Grighine

Sa Pro loco e su Comunu de Ollasta ant aderiu ocannu puru a sa festa de sa mùsica chi si fait dònnia annu su 21 de làmpadas po su solstìtziu de s’istadi. S’editzioni de ocannu est dedicada a David Sassoli,  giornalista de su Tg1 chi est stètiu Presidenti de su Parlamentu europeu puru, mortu pagu tempus a immoi. Su tema de sa festa de sa mùsica de su 2022 est “Recovery Sound & Green Music Economy”, sa tarea est cussa de fai torrai a partiri su setori musicali, unu setori chi at tentu dannu mannu po mori de sa pandemia, giaendi sempiri atentu mannu e arrespetendi s’ambienti puru”.

"Sa mùsica est cultura e sa cultura est parti de s’identidadi nosta" – aici at nau Antonio Parenti capu de sa Rapresentàntzia in Itàlia de sa Cummissioni europea (partner istitutzionali de sa festa de sa mùsica)

S’apuntamentu po sa Festa de sa mùsica 2022 in Ollasta est domìnigu 19 de làmpadas a is noi oras e mesu de merii in pratza Europa cun su spetàculu folk de is Drinnidas (Alessandro Nonnis, Gabriele Straullu, Giansilvio Pinna e Carlo Crisponi)

A mesu noti mancu unu cuartu s’at a fai s’arroda puru.