Unione dei Comuni della Bassa Valle del Tirso e del Grighine

In atuatzioni de s’artìculu 53 de su Decretu Lei n.73 de su 25 de maju 2021, s’arreconnoscint custas misuras urgentis in agiudu de is famìllias chi s’agatant in una cunditzioni de netzessidadi e/o in dificultadi sòtziu-econòmica po nexi de sa emergèntzia acapiada a sa Covid-19:

• contributus po comporai generis alimentaris de primu netzessidadi;
• contributus po pagai is utèntzias de domu (TARI, àcua, luxi, gas, telèfonu);
• contributus po pagai s’afitu de domu, sceti si abarrat dinari

Podit fai sa domanda chini:

• est residenti in su Comunu de Ollasta;
• tenit s’atestatzioni ISEE in cursu de valididadi, non prus artu de 10.000 èurus;
• est in d-una situatzioni de dificultadi sòtziu econòmica po mori de s’emergèntzia covid-19

Si su tanti de dinari a dispositzioni no bastat po totu sa rechestas, ant a intrai innantis de is àterus, is nùcleus familiaris chi non pigant àterus agiudus pùblicus po su rèdditu (REI, RDC, cassa integratzioni ordinària o in dèroga, contributus acapiaus a progetus personalizaus de interventu (lei 20), àteras indennidadis spetzialis acapiadas a s’emergèntzia de Coronavirus ecc.) e, s’in casu nci nd’at bisòngiu, s’at a fai finsas una graduatòria cunformas a s’ISEE.

Si invècias at a avantzai dinari, at a essi partzidu e torradu a giai a is benefitziàrius.

Su contributu chi si giait si depit ponni sceti po pagai is utèntzias de domu, comporai generis alimentaris de prima netzessidadi, pagai s’afitu de domu, comenti est scritu in s’art.1 de s’avisu pùblicu.

Su tanti màssimu chi fait a giai a dònnia nùcleu familiari est carculau cunformas a su nùmeru de is cumponentis de sa famìllia anagràfica e in particulari comenti inditau innoi a suta:

Su cuntributu chi spetat, carculau cunformas a su nùmeru de pessonis comenti stabiliu in s’art.3 de s’avisu pùblicu, nci ddu carrigant in deretura in sa tèssera sanitària.

Su cuntributu fait a nci ddu spendi sceti me in is butegas de su territòriu comunali chi ant aderiu a s’initziativa e sceti po comporai generis alimentaris de primu netzessidadi e pagai is utèntzias de domu. Non fait a comporai cosa alcòlica o super alcòlica, gratta&vinci e totu is àteras genias de cosa de papai chi no sunt cunsideraus benis de primu netzessidadi.

Si candu presentat sa domanda su benefitziàriu indicat unu cuntributu spetzìficu po pagai s’afitu de domu, s’in casu non tèngiat àterus finantziamentus pùblicus (RDC, L. 431/98 ecc.) fait a giai unu tantide dinari, finas a su màssimu chi spetat po su nùmeru de pessonis inditau in s’art. 3 de s’avisu pùblicu.

S’Ufìtziu de su Servìtziu Sotziali s’at a incurai de averiguai sa positzioni contributiva de chini presentat sa domanda (o de unu cumponenti de su nùcleu familiari) finsas in riferimentu a su pagamentu de is tassas comunalis e, si is benefitziàrius non sunt in règula cun is pagamentus, su ghèpidu si ndi ddu scontant in deretura de su tanti chi ddis spetat, cunformas a s’art. 62, comma 5 de su regulamentu comunali IUC.

Is utèntzias de domu tocat chi siant intestadas a chini presentat sa domanda o a una pessoni de su nùcleu familiari anagràficu e fait a ponni su cuntributu a pagai bulletas/faturas scadias o a canta de scadessi.

Si su contributu pediu si ponit a pagai is utèntzias de domu, tocat a presentai is bulletinus e ricevutas de pagamentu a s’Ufìtziu de si Servìtzius Sotzialis.

Dònnia nùcleu familiari podit presentai una domanda sceti.

Sa domanda de partecipatzioni paris a totu is àterus documentus bolit presentada a intru de su 30 de làmpadas 2022, in una de custas maneras:

• a manus, posta a intru de sa cascitedda de sa posta chi est a canta a s’intrada de su Comunu;
• cun d-un’arrecumandada A/R a s’Ufìtziu de su protocollu de su Comunu de Ollasta;
• in sa PEC a s’indiritzu Questo indirizzo email è protetto dagli spambots. È necessario abilitare JavaScript per vederlo. in su modellu a posta;
• in sa posta eletrònica ordinàriaa s’indiritzu Questo indirizzo email è protetto dagli spambots. È necessario abilitare JavaScript per vederlo. in su modellu a posta.

Is mòdulus po presentai sa domanda fait a ndi ddus scarrigai de su giassu istitutzionali www.comune.ollastra.or.it o fait a ndi ddus arretiari in munitzìpiu (s’agatant in s’esposidori chi est a canta a s’intrada de su Comunu)

Paris a sa domanda tocat a ponni finsas:

• Còpia de unu documentu de identidadi de chini presentat sa domanda
• Còpia de s’ ISEE 2022

Sa domanda presentada sena de custus documentus no at essi pigada in perunu cunsideru.

Su Responsàbili de su Protzedimentu, cunformas a s’art.5, comma 1 de sa lei 7 de austu 1990 n.241 est s’istrutori diretivu Assistenti sotziali dot.ra Claudia Defraia email Questo indirizzo email è protetto dagli spambots. È necessario abilitare JavaScript per vederlo. num. Telefoneddu de servìtziu: 3485246552.

S’avisu cumpletu in italianu e su mòdulu po presentai sa domanda fait a ddus ligi e a ndi ddus scarrigai de su giassu istitutzionali de su Comunu de Ollasta innui s’agatant publicaus.