Unione dei Comuni della Bassa Valle del Tirso e del Grighine

Domìnigu 12 de làmpadas de is seti de mangianu a is ùndixi de noti si votat po cincu referendum abrogativus in contu de giustìtzia. Su Referendum at a balli sceti si ant a andai a votai sa metadi prus unu de is chi ndi tenint diritu. Su comunu de Àllai at aprontau unus cantu informus po is eletoris chi fait a ligi innoi a suta.

Dònnia eletori at a podi votai in su sègiu inditau in sa tèssera eletorali cosa sua.

Po intrai a is sègius non tocat a tenni su tzertificau birdi.

Sa carta de identidadi, mancari siat scadèssia, balit su pròpiu po identificai a s’eletori in su sègiu. E balit finsas sa ricevuta chi giat s’Ufìtziu anagrafi candu s’annoat sa carta de identidadi, in su mentres chi su Ministeru mandit sa carta de identidadi eletrònica.

Chini podit votai po is Referendum popularis?

Podint votai poi s Referendum popularis totu is eletoris chi domìnigu 12 de làmpadas tenint 18 annus fatus.

Chini traballat in bidda de foras podit votai in un’àteru sègiu?

Sa lei narat ca podint votai in un’àteru Comunu, chi non siat su de residèntzia, sceti unas cantu categorias de eletoris: cussus arricoveraus in spidalis o domus de cura, is militaris, is navigantis e totu is chi faint servìtziu in su sègiu, est a nai is cumponentis de s’ufìtziu eletorali de setzioni, is fortzas de s’òrdini e is rapresentatis de su comitau chi promovit su Referendum, e chi sceberat su comitau matessi. Totu is eletoris chi non sunt in una de custas categorias podint votai in su sègiu de iscritzioni eletorali de su Comunu de residèntzia e tenint agevolatzionis in is tarifas po biagiai in trenu, in aeroplanu o in navi.

Comenti podit votai chini est arricoverau in su spidali?

Chini est arricoverau in su spidali o in d-una domu de cura podit votai innia e totu. Po ddu podi fai depit presentai a su sìndigu de su comunu de residèntzia innui arresurtat iscritu in is listas eletoralis, una domanda aposta innui decrarat sa voluntadi sua de bolli votai in su logu de cura innui s’agatat e una decraratzioni de su diretori sanitàriu de cussu logu chi cumprovit ca est arricoverau. Custa decraratzioni, chi nci bolit mandada po mesu de su diretori amministrativu o de su segretàriu de s’istitutu de cura, depit lompi a su comunu interessau assumancus tres diis innantis de sa votatzioni.

Is coloris de is schedas de votatzioni de is Referendum de domìnigu 12 de làmpadas 2022:

1. Referendum populare n.1 - Scheda arrùbia Abrogatzioni de su Testu ùnicu cun is dispositzionis chi nant chini non si podit candidai e non podit pigai incàrrigus eletivus e de Guvernu a pustis de sentèntzias definitivas de cundenna.
2. Referendum populare n.2 - Scheda in colori de aràngiu- Mesuras cautelaris: abrogatzioni de s’ùrtimu incisu de s’art. 274, comma 1, lìtera C), còditzi de protzedura penali, in contu de mesuras cautelaris in su protzessu penali.
3. Referendum populare n.3 - Scheda groga – Separatzioni de is funtzionis de is magistraus. Abrogatzioni de is normas in contu de ordinamentu giuditziàriu chi cunsentint de passai de giugi a magistrau e, a s’imbessi, de magistrau a giugi, in sa carriera de is magistraus.
4. Referendum populare n.4 - Scheda murra Partetzipatzioni de is membrus làicus a totu is deliberatzionis de su Consillu diretivu de sa Corti de Cassatzioni e de is Consillus giuditziàrius e de is cumpetèntzias de is membrus làicus chi ndi faint parti.
5. Referendum populare n.5 - Scheda birdi Abrogatzioni de is normas in contu de is eletzionis de is cumponentis de su Consillu superiori de sa Magistradura.

Is informus in italianu in contu de is Referendum abrogativus de su 12 de làmpadas fait a ddus ligi in su giassu istitutzionali de su Comunu de Àllai innui s’agatant publicaus.

De cenàbura 10 a domìnigu 12 de làmpadas 2022 s’Ufìtziu Eletorali de su Comunu de Àllai at a aberri: