Regione Sardegna
S’Amministratzioni Comunali de Simaghis, a manus de pari cun totu is assòtzius de sa bidda ant cuncordau su cuncursu Simaxis in fiore e invitat a totu is tzitadinus a nci pigai parti. Su cuncursu est nàsciu me in is annus passaus po melliorai sa bidda cuncordendi domus, pratzas e giardinus cun froris coloraus e giassus birdis beni assentaus.
In manera particulari ocannu s’Amminstratzioni s’est incurendi de sistemai, a ispesas suas, su lotu de Funtana Bella chi innantis fiat privau e immoi est de su comunu. Is traballus sunt cumentzaus su 20 de maju e ant a acabbai su 12 de làmpadas. S’ùrtima dii s’at a ponni finsas una targa po arregordai su traballu fatu.
Sa punna de custa faina est cussa de fai sa bidda sèmpiri prus bella e ordinada cun s’agiudu de is tzitadinus chi est de importu mannu in custu progetu. Su de traballai paris a is tzitadinus est difatis una manera po ddus sensibilizai a s’arrespetu de su beni pùblicu, chi est cosa de totus, chi donniunu diat a depi intendi che cosa sua puru incurendi.si.ndi de ddu atintzionai sena abetai sèmpiri chi nci pensit su comunu.
Su programma cun is diis e is fainas de fai est totu scritu in sa locandina chi fait a ligi in sa pàgina FB de su Comunu de Simaghis innui s’agatat publicada.