Unione dei Comuni della Bassa Valle del Tirso e del Grighine

S’Ufìtziu de Programmatzioni e Gestioni de su PLUS (Pianu Locali Unitàriu de is servìtzius a sa personi) de su Distretu sòtziu-sanitàriu de Aristanis at publicau s’avisu po presentai is domandas po si nci scriri e po agiornai su “Registru Pùblicu de is assistentis familiaris de su Distretu de Aristanis”.

In su Registru nci sunt is figuras professionalis formadas e/o chi tenint esperièntzia de traballu in s’assistèntzia de antzianus o personis chi no sunt autosufitzientis. Su Registru est un’aina de importu mannu po totu is famìllias chi circant personali cualificau po atendi e assisti a domìtzìliu is parentis issoru e un’oportunidadi po giai traballu a chini fait custu servìtziu arrespetendi totu is normas de lei.

Is domandas nci bolint mandadas a su Comunu de Aristanis, Ufìtziu de Programmatzioni e Gestioni de su PLUS, in una de custas maneras:

• a s’indiritzu PEC: Questo indirizzo email è protetto dagli spambots. È necessario abilitare JavaScript per vederlo.
• a s’indiritzu de posta ordinària: Questo indirizzo email è protetto dagli spambots. È necessario abilitare JavaScript per vederlo.
• a manus a s’Ufìtziu de su Protocollu: Pratza Eleonora d’Arborea, 44 abertu de su lunis a sa cenàbura de is 9.00 a is 12.30 e su martis de is 15.30 a is 17.30.

In sa busta de sa domanda, o in s’ogetu de sa PEC o de s’e-mail, tocat a nci scriri: “CONTIENE DOMANDA DI ISCRIZIONE AL REGISTRO PUBBLICO ASSISTENTI FAMILIARI – PLUS ORISTANO”

Paris a sa domanda tocat a nci ponni custus atrus documentus:

• còpia de su documentu de identidadi chi no siat scadiu;
• còpia de sa tèssera sanitària;
• còpia de su permissu de sogiornu chi no siat scadiu (po is tzitadinus stràngius);
• còpia de su cuntratu de traballu e de totu is documentus chi cumprovint cantu durat su cuntratu e cali est sa genia de incuadramentu, cunformas a s’art. 2 lìtera d);
• totu is atrus documentus chi podint serbiri po valutai sa domanda e po ponni is datus in su Registru e in sa Banca datus de su servìtziu Sportello Mediazione.

S’icritzioni a su Registru balit un’annu sceti e a pustis de s’annu tocat a dda torrai a annoai.

A is assistentis familiaris scritus a su Registru ddis giaint una tesseredda cun totu is datus issoru innui nc’est finsas sa data e su nùmeru de iscritzioni a su registru.

Su registru fait a ddu castiai intrendi a su giassu de su comunu de Aristanis www.comune.oristano.it

Po totu is atrus informus fait a tzerriai a s’Ufìtziu de su Pianu de su Distretu Sòtziu Sanitàriu de Aristanis a is nùmerus: 0783/791220-7912230.

Po ligi s’avisu pùblicu in italianu, po ndi scarrigai su mòdulu de domanda e totu is atrus documentus allegaus fait a intrai a innoi.