Regione Sardegna
In su giassu istitutzionali de su Comunu de Siamanna s’agatat publicau su Programma amministrativu de sa lista Uniti per Siamanna, aprovada cun verbali n.7 de su 15 de maju 2022 de sa Cummissioni Tzircondariali de Aristanis, chi at a pigai parti a s’eletzioni direta de su Sìndigu e de su Consillu Comunali su 12 de làmpadas 2022.
Velio Melas, chi in su 2007 s’est candidau a sìndigu po sa primu borta, si torrat a candidai ocannu, po sa de cuatru bortas in vatu de pari, in sa lista tzìvica “Uniti per Siamanna” paris a is atrus 10 candidaus a consilleri. Si podit torrai a candidai gràtzias a sa dèroga fata po assegurai un’amministratzioni in is comunus prus piticus innui est sèmpiri prus dificultosu a agatai genti chi si bolit pigai sa responsabilidadi e s’impìnniu de traballai po su beni de sa bidda.
In su programma, sintèticu ma craru, si cumprendi luegus su caminu chi is candidaus bolint sighiri e cali sunt is prioridadis de importu po su beni de is tzitadinus e po fai cresci totu sa bidda.
Po ligi totu su programma fait a intrai a innoi.