Regione Sardegna
Imposta Munitzipali Ùnica- Acontu 2022
Cun sa Lei de Bilànciu 2020 (L.160 de su 27/12/2019) est stètia istituia s’IMU noa art.1 comma 738, chi at stabiliu ca “cumentzendi de su 2020 sa TASI est abolia e, in is comunus innui fiat aplicada, si pagat totu paris cun s’IMU”. S’IMU dda depit pagai su meri o titolari de atrus diritus realis (usufrutu, domu de bivi) de fàbricus o àreas fabricàbilis francu chi no siant terrenus agrìculus. S’IMU no si pagat po sa domu printzipali (sceti po cat. A/2, A/7).
Su 16 de làmpadas scadit su tempus po pagai s’acontu de s’IMU, chi est su 50% de su tanti chi tocat a pagai cunformas a is alìcuotas de su 2022 aprovadas cun deliberatzioni de su Consillu Comunali n. 4 de su 23 de martzu 2022. Su tanti chi abarrat de pagai in su mesi de nadali si càrculat tenendi in contu is alìcuotas stabilias de su Consillu Comunali e su tanti de s’acontu chi est giai stètiu pagau.
Po sciri a manera pretzisa chini depit e chini no depit pagai s’IMU, comenti tocat a dda pagai, is alìcuotas de su 2022 e is scadèntzias fait a ligi s’avisu cumpletu chi s’agatat publicau in su giassu istitutzionali de su comunu de Siamanna.
Po totu is informus fait a tzerriai a su nùmeru 0783-449000 (internu 4) o a pregontai a s’Ufìtziu Tributus de su Comunu in custas diis: de su lunis a sa cenàbura de is 11.00 a is 13.30 e su martis de is 15.30 a is 17.00