Unione dei Comuni della Bassa Valle del Tirso e del Grighine

Su 15 e su 16 de maju est festa manna in Àllai po Santu Sidoro e po su Spìridu Santu, patronu de sa bidda, a issu est intitulada sa crèsia manna.

Domìnigu 15 de maju, is allaesus ant festau a Santu Sidoru gloriosu, su “messaju miraculosu prenu de divinos rajos” e a issu s’invocant me in is gòcius po pregai po is messajus. Sa de Santu Sidoru est una festa antiga chi est sparèssia in unas cantu biddas sardas ma chi, andendi avatu de su tempus e mutatis mutandis, si sighit a fai ancora in biddas meda.

Est una festa chi is allaesus tenint a coru e chi sighint a fai dònnia annu comenti ant sèmpiri connotu. A dii de oi no nci sunt prus a vatu de sa prufessoni is giuus de bois ma is tratoris totu beni cuncordaus cun froris friscus, mantas e tapetus antigus tèssius.

Eriseru in Àllai no est mancau mancu unu bellu giuu, beni cuncordau a festa issu puru, chi a pustis de sa prufessoni at abetau in pratza de crèsia, cun su meri, chi sa funtzioni religiosa fessit acabada.

Oi est torra festat in Àllai po su Spìridu Santu, patronu de sa bidda. Si torrat a fai sa prufessoni cun totu is tratoris e a pustis nc’ est sa missa manna cantada. Acabada sa missa nc’est su cumbidu po totus e a sero is sonus e ballus sardus in sa pratza de is ballus.