Regione Sardegna
Sa Provìntzia de Aristanis at cuncordau unu bandu pùblicu de seletzioni po is cursus de formatzioni po preparai personali ispetzializau chi potzat essi de agiudu in sa gestioni de unas cantas arratzas de animalis arestis. A s’acabu de su cursu s’at a fai un’èsame po arriciri su tzertificau de idoneidadi.
Custu bandu nascit de s’apretu mannu de sa Provìntzia a tenni figuras ispetzializadas chi potzant essi de agiudu in totu cussas fainas chi pertocant sa gestioni de diferentis arratzas de animalis arestis.
Ddoi podint pigai parti is afitèvolis de terrinus, meris de terrinus agrìculus e/o delegaus issoru chi sunt residentis in unu de is Comunus de sa Provìntzia de Aristanis.
Sa domanda, cumpilada totu comenti si spetat, fait a dda giai a manus a s’Ufìtziu de su Protocollu de sa Provìntzia de Aristanis, me in is localis de su Palatzu de s’Amministratzioni Provintziali, in bia Carboni, o fait a nci dda mandai a s’indiritzu de posta eletrònica tzertificada provìQuesto indirizzo email è protetto dagli spambots. È necessario abilitare JavaScript per vederlo., a intru de su 16 de maju 2022. Is domandas chi ant a lompi a pustis de su tempus istabiliu no ant a essi pigadas in perunu cunsideru.
Su bandu e su mòdulu de cumpilare po presentai sa domanda s’agatant publicaus in su giassu istitutzionale de sa Provìntzia de Aristanis.