Unione dei Comuni della Bassa Valle del Tirso e del Grighine

Is tzitadinus de unu Stadu de sa Comunidadi europea, residentis in su Comunu de Siamanna, podint votai a is eletzionis amministrativas de su 12 de làmpadas 2022 po eligi a su Sìndigu e a su Consillu comunali nou.

A podi andai a votai est unu diritu issoru ma tocat innantis a si nci scriri a is listas eletoralis “aggiuntive” a intru de su 3 de maju.

Podint presentai domanda, compilendi su mòdulu aprontau a posta, is tzitadinus chi tenint is 18 annus fatus e is diritus polìticus (est a nai, totu is tzitadinus chi no ant tentu cundennas penalis chi ddis ant fatu perdi su diritu eletorali) residentis in su comunu de Siamanna.

Paris a sa domanda tocat a ponni sa fotocòpia de unu documentu de identidadi in cursu de valididadi.

Po totu is atrus informus fait a pregontai a s’Ufìtziu eletorali de su comunu.

In su giassu istitutzionali de su Comunu de Siamanna s’agatat publicau s’avisu e fait a ndi scarrigai su mòdulu po presentai sa domanda.