Unione dei Comuni della Bassa Valle del Tirso e del Grighine

Po is Referendum de su 12 de làmpadas 2022, is eletoris chi in s’interis s’agatant in èsteru (po traballu, po studiai o po fai curas, su personali de is Fortzas Armadas o de Politzia chi est in missioni internatzionali e is familiaris issoru) podint domandai de votai po mesu de sa posta.

Po votai in custa manera tocat a fait una domanda a s’Ufìtziu eletorali de su Comunu de residèntzia, a intru de su 11 de maju 2022, compilendi su mòdulu aprontau a posta chi fait a ndi scarrigai de is giassus istitutzionalis de is Comunus o de cussu de su Ministeru de s’Internu.

Sa domanda, compilada comenti si depit e firmada, paris a una còpia de unu documentu de identidadi, chi no sit scadiu, tocat a nci dda mandai a su Comunu de residèntzia in sa posta eletrònica tzertificada (de sa casella PEC) o in cussa ordinària. Is domandas chi ant a arribai a pustis de su tempus stabiliu no ant a essi pigadas in perunu cunsideru.

Po totu is atrus informus fait a pregontai a is Ufìtzius eletoralis o a intrai a is giassus istitutzionalis de is Comunus de s’Unioni.