Regione Sardegna
Cumentzada in su 2012 agiumai po scumissa sa sagra de su sparau de Biddanoa Truschedu est andada e megiorendi in is annus finsas a diventai un apuntamentu fissu a innui acudit dònnia annu genti meda po tastai is mandiaris tìpicus a basi de sparau, arregotu me in sartus a giru de sa bidda, po connosci is bellesas de su territòriu e po si spassiai.
Sa festa, chi no s’est fata po duus annus a vatu de pari po mori de sa pandemia, ocannu est lòmpia a sa de 9 editzionis. Dda cuncordat su comunu de Biddanoa Truschedu a manus de pari cun sa Pro Loco. S’apuntamentu est po domìnigu su 24 de abrili de is 9.30 de mangianu. Si cumentzat cun is bisitas ghiadas in naveta a su nuraghi de Santa Bràbara, a Santu Millanu e a s’Uraki.
A ora de prandi S’ant a tastai is mandiaris tìpicus fatus cun sparau.
Abarrat aberta totu sa dii, de is noi de mangianu a is noi de seru, me in su Museu in Pratza Gramsci sa mostra “L’abito tradizionale di Villanova Truschedu” a incuru de Giuseppina Duras
A is 18.00 s’ant a fai is Ballus in pratza in cumpangia de su grupu Sonos e Cantos de Fabio Onni.
Po informus: 388.3666200 oghinou fait a intrai a sa pàgina facebook de Biddanoa Truschedu