Unione dei Comuni della Bassa Valle del Tirso e del Grighine

Si fait a sciri a totu is interessaus ca cun determinatzioni n.122 de su 12.04.2022 sunt stètius torraus a aberri is tèrminis po fai sa domanda po arriciri is contributus de sa misura de su D.L. 25.05.2021 n.73 “Decreto Sostegni bis” (cunvèrtiu cun totu is mudaduras, cun sa lei n.106 de su 23 de trìulas 2021) acapiadas a s’emergèntzia de sa Covid-19.

Custu Decretu disponit de portai a cumprimentu fainas urgentis po sa solidariedadi alimentari e po agiudai a is famìllias a pagai sa pesoni de domu e is spesas de is utèntzias de domu.

Fait a presentai is domandas finsas a is 13.00 de su 27 de abrili de su 2022.

Arregordaus ca podint fai domanda po arriciri custa genia de contributus is famìllias de tzitadinus italianus o comunitàrius, o stràngius puru bastit chi tèngiant unu permissu de sogiornu in règula e chi siant residentis me in su comunu de Zrofolliu candu est essiu su bandu; tocat a tenni un ISEE ordinàriu o ISEE currenti in cursu de valididadi totunu o prus bàsciu de 16.500 èurus.

Po cali si siat atru informu, totu is interessaus podint tzerriai a is Ufìtzius Comunalis, oghinou fait a ligi s’avisu cumpletu chi s’agatat publicau in su giassu istitutzionali de su Comunu de Zrofolliu innui fait a ndi scarrigai finsas su mòdulu po presentai sa domanda.