Regione Sardegna
S'Amministratzioni comunali de Siamanna fait a sciri ca est essiu unu Bandu, cun protzedura aberta, po giai in cuncessioni su chiosco comunali e su campu innia acanta po giogai a bòcia in 5.
S’at a podi pigai parti a sa gara sceti po mesu de sa prataforma telemàtica Sardegna CAT, cunformas a is artt. 40, 52 e 58 de su Còditzi. Duncas totu is chi bolint pigai parti a sa gara si nci depint scriri e abilitai in sa prataforma, sinuncas no fait a presentai oferta de atra manera. S’oferta nci bolit mandada (paris a totu is atrus documentus amministrativus pedius) a intru e no a pustis de su 24 de maju 2022 a mesudii.
Su Bandu e totu is allegaus s’agatant publicaus in su giassu istitutzionali de su Comunu de Siamanna.