Regione Sardegna
Domìnigu su 12 de làmpadas 2022 si votat po 5 Referendum abrogativus in contu de giustìtzia (is decretus de su Presidenti de sa Repùblica de su 6/04/2022, sunt stètius publicaus in sa Gazzetta Ufficiale n.82 de su 7/04/2022).
Si votat sceti me in sa dii de domìnigu 12 de làmpadas. Is votatzionis cumentzant domìnigu mangianu a is seti e acabbant a is ùndixi de noti.
Est sa de dexeotu bortas, de su 1974, chi si fait unu referendum abrogativu in sa stòria de sa Repùblica Italiana. Su 12 de làmpadas 2022 si votat po nci bogai o lassai in vigori is testus de lei in contu de:
- Su de no si podi candidai a pustis de una cundenna
- Scerai is carrieras
- Riformai su consillu superiori de sa magistradura
- Custodia cautelare cun is indàginis in cursu
- Valutatzioni de is abocaus po is magistraus
SU QUORUM
Po chi su referendum abrogativu tèngia valori tocat chi andit a votai sa metadi prus unu de is eletoris chi ndi tenint diritu, is normas innui no si arribat a su quorum abbarrant in vigori
CHINI PODIT VOTAI
Podint votai totu is tzitadinus italianus scritus me in is listas eletoralis de is comunus e chi ant cumpriu is 18 annus a intru de su 12 de làmpadas de su 2022. Is tzitadinus italianus residentis in èsteru (AIRE) podint votai innia.
COMENTI SI VOTAT
Tocat a lompi a is localis de su sègiu eletorali cun unu documentu de identidadi e sa tessera eletorali. Chini non tenit sa tèssera o dd’at pèrdia dda podit pregontai in s’ufìtziu eletorali de su comunu de residèntzia. Po su chi pertocat sa manera de votai, donniunu podit:
- fai una gruxi assuba de sa scrita SI po nci bogai sa norma de lei
- fai una gruxi assuba de sa scrita NO po lassai sa norma de lei aici comenti est
Totu is atrus informus in contu de is referendum abrogativus de su 12 de làmpadas de su 2022, preguntas e arrespustas a is domandas prus frecuentes, s’agatant publicaus in su giassu de su Ministeru de s’internu https://dait.interno.gov.it/elezioni/speciale-referendum