Regione Sardegna
Si fait a sciri a totu is interessaus ca fait a fai domanda po sa bussa de stùdiu natzionali po is studiantis de is scolas mannas, statalis e paritàrias, po s'annu de scola 2021/2022.
PO FAI SA DOMANDA PO SA BUSSA DE STÙDIU TOCAT A:
- Essi scritus e frecuentai po s’annu 2021/2022 una scola segundària de segundu gradu de su sistema natzionali de istrutzioni (scola statali o paritària).
- Tenni una Situatzioni Econòmica Ecuivalenti (I.S.E.E.) de su nùcleu familiari in intru de is 14.650,00 èurus.
- Cumpilai su mòdulu de domanda e ponni paris a su mòdulu custus atrus documentus:
fotocòpia de s’ISEE in corsu de valididadi lassau cunformas a sa normativa previdia de su DPCM n.159/2013;
fotocòpia de unu documentu de identidadi, chi no siat scadiu, de chini presentat sa domanda.
Tocat a presentai sa domanda a su Comunu de residèntzia a intru de su 9 de maju 2022. Sa domanda dda podit presentai unu de is genitoris, unu rapresentanti legali de su studianti o su studianti e totu si tenit 18 annus fatus.
Sa domanda fait a dda giai a manus a s’Ufìtziu de su Protocollu de su Comunu de residèntzia o a nci dda mandai po mesu de sa posta eletrònica tzertificada o de sa posta eletrònica ordinària cunforma a cantu at istabiliu su Comunu.
Dònnia Comunu nc’at a mandai a sa Regioni Sardìnnia s’elencu de totu is studiantis chi ant presentau domanda, sa Regioni at a aprontai una graduatòria regionali ùnica, cumentzendi de s’ISEE prus bàsciu e crescendi, in casu de ISEE totunus intrat innantis su studianti prus giòvanu. S’elencu de is studiantis chi intrant in sa graduatòria, e chi ant a tenni diritu a arriciri sa bussa de stùdiu, nci dd’ant a mandai a su Ministeru de s’Istrutzioni. Sa bussa de stùdiu dd’ant a giai a is chi ndi tenint diritu po mesu de unu bonìficu bancàriu cunformas a cantu at a fait a sciri su Ministeru de s’Istrutzioni. Su tanti de dònnia bussa de stùdiu est de 200 èurus.
INFORMATIVA PRIVACY
S’informativa est aprontada de su Ministeru de s’Istrutzioni e s’agatat publicada in su giassu istitutzionali de is comunus e in cussu de su Ministeru: https://iostudio.pubblica.istruzione.it/web/guest/voucher.
MÒDULUS E INFORMUS
Is mòdulus po presentai sa domanda s’agatant publicaus in su giassu de sa Regioni Sardìnnia: www.regione.sardegna.it, e in is giassus istitutzionalis de is Comunus de s’Unioni
MINISTERU DE S’ISTRUTZIONI
Giassu web https://iostudio.pubblica.istruzione.it/web/guest/voucher
e-mail Questo indirizzo email è protetto dagli spambots. È necessario abilitare JavaScript per vederlo.
Po totu is atrus informus fait a intrai a su giassu istitutzionali de su Comunu de residèntzia o a domandai in is ufìtzius de su Comunu.