Regione Sardegna
Su Comunu de Biddanoa Truschedu, de pagu tempus a immoi, at ativau una manera noa e gratis po informai is tzitadinus po mesu de s’aplicatzioni Telegram po mandai messàgius.
Una cosa noa e de importu po totu is tzitadinus chi bolint arriciri novas e agiornamentus de su Comunu de Biddanoa Truschedu gràtzias a custu canali nou de informu Telegram @comunedivillanovatruschedu
Po mesu de custu canali is tzitadinus podint arriciri in deretura in su telefoneddu, tablet o pc issoru, de pressi, gratis e in manera segura, novas de manifestatzionis, initziativas pùbicas, avisus de sa Protetzioni Tzivili, de seguresa e in contu de su tempus malu, mudadura de is oràrius de is ufìtzius comunalis, sciòperus, scadèntzias e atras fainas de importu chi cuncordat su Comunu de Biddanoa Truschedu.
Su servìtziu est gratis e dònnia tzitadinu podit sceberai si ddu bolit o nono. Cun sa scritzioni a su canali, su titulari de s’utèntzia telefònica autorizat su Comunu de Biddanoa Truschedu a ddi mandai, po mesu de s’aplicatzioni Telegram, novas in contu de su territòriu.
Donniunu si podit scancellai de su servìtziu candu si siat e in manera autònoma incarchendi a suba de su tastu "Lascia il canale".
Su canali Telegram assegurat s’anonimau.
Chini sighit su canali no scit chini sunti s atrus iscritus e non podit mandai messàgius a is atrus de su canali, ma ddus podit sceti arriciri de su Comunu.
ITA TOCAT A FAI
1. SCARRIGAI S’APLICATZIONI (Si as giai scarrigau s’app Telegram, bai a su puntu 2 po ti nci scriri a su canali)
Po tenni su servìtziu bastat a intrai a s’aplicatzioni Telegram gratis.
1.1 Scàrriga e poni s’app de su store de su telefoneddu cosa tua o de sa giassu de sa pàgina web https://telegram.org/apps .
Telegram funzionat cun iPhone, Android e Windows Phone:
iPhone https://telegram.org/dl/ios
Smartphone Android: https://telegram.org/dl/android
Windows Phone: https://telegram.org/dl/wp
Nc’est finsas sa genia “desktop” chi podis impreai de su pc o Mac cosa tua.
1.2 Aberi s’app e incarca in “inizia a chattare” Telegram ti pedit su nùmeru de telèfonu e ti mandat unu còditzi de cunfirma cun unu sms po averiguai s’identidadi tua.
1.3. Lassa intrai s’app a is cuntatus tuus. Aici podis cumentzai a fueddai cun is chi impreant giai Telegram.
2. COMENTI SI NCI SCRIRI A SU CANALI
A pustis de ai postu s’aplicatzioni Telegram e fatu sa registratzioni in su dispositivu, tocat a circai su nòmini de su canali @comunedivillanovatruschedu oghinou a intrai a custu link: https://t.me/comunedivillanovatruschedu chi nci torrat a mandai a su canali.
Duncas tocat a incarcai a suba de sa scrita chi s’agatat in bàsciu "UNISCITI" po arriciri is notìficas e is agiornamentus a manu chi nci nd’essint. Fait a si nci scancellai candu si si siat, incarchendi a suba de sa scrita "LASCIA IL CANALE".
Su canali de su Comunu de Biddanoa Truschedu fait a ddu scerai de atrus servìtzius/canalis simbillantis poita ca est autorizau sceti custu a impreai su stemma ufitziali de su Comunu.
N.B. Su canali @comunedivillanovatruschedu balit sceti po su servìtziu chi amus nau e NO arrespundit duncas a messàgius, telefonadas, atrus cosas.