Regione Sardegna
Sa Pro Loco de Siapicia at cuncordau po sa primu dii de maju sa de X editzionis de “Alla scoperta del monte Grighine”. Una passillada ecològica po connosci is bellesas de su Grìghini e a s’acabbu ddoi at a essi su pràngiu me in sa domu de is cassadoris.
S’atòbiu est a is 7.30 ananti de su munitzìpiu de Siapicia innui s’arricint is iscritzionis. A is 9 oras mancu unu cuartu si movit de sa domu de is cassadoris. Fait a sceberai duus caminus diferentis cunforma a cantu unu podit e a cantu est abituau a caminai. Unu caminu de unus 10 chilòmetrus e cun unu dislivellu de 400 metrus, de fai in unas tres oras, s’atru prus curtzu e prus fàtzili. In totu is duus percursus is acumpangiadoris ant a essi ghias espertas.
A sa una ddoi est su pràngiu in sa domu de is cassadoris organizau de sa Pro Loco cun malloreddus a sa campidanesa, sartitzu e panceta arrostia, berdura, pani e cosa a bufai. Chini bolit abarrai a prandi si depit prenotai innantis e depit pagai sa cuota.
Po informus e prenotatzionis (a intru de su 25 de abrili) fait a tzerriai a custus nùmerus: 392.7737560- 348.1331677 o fait finsas a scriri a Questo indirizzo email è protetto dagli spambots. È necessario abilitare JavaScript per vederlo.
Su regulamentu e su mòdulu de iscritzioni (po mannus e piticus) s’agatant publicaus in su giassu istitutzionali de su Comunu de Siapicia o in sa pàgina FB de sa Pro Loco.