Unione dei Comuni della Bassa Valle del Tirso e del Grighine

Giòbia, su 7 de abrili a is cuatru e mesu de merii, in su Tzentru de is Servìtzius Culturalis de Aristanis Marcello Marras, diretori de su Tzentru e espertu de etnocoreografia e etnomusicologia de sa Sardìnnia at a presentai su seminàriu “Cagliade.bos creaturas, lassade pianghere a mie”. Ritus, sonus, cantus e traditzionis de Cida Santa in Sardìnnia. S’at a chistionai e s’ant a cumpartziri cun totu is presentis schedas audivisivas chi ant a fait a connosci traditzionis culturalis de importu e diferentis maneras de bivi is ritus de Cida Santa e sa passioni de Gesugristu me in biddas meda de Sardìnnia.

Po intrai a is localis de su Tzentru de is Servìtzius Culturalis tocat a amostai sa tzertificatzioni birdi, a si ponni sa mascheredda FFP2 e a sighiri totu is prescritzionis po parai fronti a sa spraxidura de sa Covid-19.

Po atrus informus fait a intrai a su giassu https://www.centroserviziculturali.it/ o a sa pàgina FB de s’U.N.L.A. https://it-it.facebook.com/centroservizi.culturalioristano/