Unione dei Comuni della Bassa Valle del Tirso e del Grighine

Custu servìtziu permitit de arriciri a manera fàtzili, a lestru e gratis informus de utilidadi pùblica o de emergèntzia chi pertocant su territòriu de su Comunu de Siamanna.

Is messàgius arribant in deretura a donniunu in cussa chi in inglesu si narat modalidadi broadcast e no in grupos wthasApp e duncas nemus podit biri is nùmerus de is atrus, su cuntatu est intra de su Comunu e de su tzitadinu iscritu a su servìtziu.

ITA TOCAT A FAI PO ATIVAI SU SERVÌTZIU:

1. a compilai su mòdulu po giai su cunsensu e s’informativa in contu de su manìgiu de is datus, is mòdulus s’agatant publicaus in su giassu istitutzionali e in su esponidori me in s’intrada de Comunu e tocat a nci ddus betai a sa cascitedda de sa posta in s’intrada de comunu oghinou fait finsas a nci ddus mandai a s’indiritzu de posta eletrònica: Questo indirizzo email è protetto dagli spambots. È necessario abilitare JavaScript per vederlo.;
2. a sarvai in sa rubrica de su telefoneddu bostu su nùmeru de telèfonu 393 8028352 ''Comunu de Siamanna''. Sena de sarvai su nùmeru non fait a arriciri is messàgius (custa faina est a posta po is listas broadcast, po defensai sa privacy de is tzitadinus);

Su nùmeru 393 8028352 balit sceti po custu servìtziu chi semus nendi, no fait a tzerriai o a mandai messàgius wthasApp a custu nùmeru. Fait a si nci scancellai de su servìtziu in cali si siat momentu, bastat a mandai unu messàgiu cun sa scrita “mi cancello”

Po atrus informus e po sinnalai cosas in contu de su servìtziu fait a pregontai in is ufìtzius comunalis.

In su giassu istitutzionali de su comunu de Siamanna s’agatat publicau s’avisu e fait a ndi scarrigai is mòdulus po giai su cunsensu a s’ativatzioni de su servìtziu WhatsApp