Regione Sardegna
Si fait a sciri ca, po podi aprontai e aprovai is tarifas de sa TARI po su 2022, est pretzisu a fai a sciri a s’Ufìtziu de is Tributus si ddu at motivus o cunditzionis chi giaint diritu a tenni is agevolatzionis cunformas a s’art.24 de su Regulamentu comunali po sa tassa de s’àliga, aprovau cun Deliberatzioni de su Consillu Comunali n.10 de su 30.06.2021. S’arrecumandat a totu is interessaus de ligi beni s’avisu cumpletu “Avisu agevolazioni TARI 2022” chi s’agatat publicau in su giassu istitutzionali de su Comunu de Zrofolliu.
TOTU IS DOCUMENTUS BOLINT PRESENTAUS A INTRU E NO A PUSTIS DE SU 15 DE ABRILI DE SU 2022. Is domandas chi ant a lompi a pustis de su tempus stabilèssiu ant a essi pigadas in cunsideru po ocannu chi benit.
Is mòdulus de compilai po tenni is agevolatzionis (si est sa primu borta chi si fait sa domanda) fait a ndi ddus arretirai in comunu in is oràrius de abertura o a ndi ddus scarrigai de su giassu istitutzionali in sa setzioni “Modulistica-Servizio tributi” intrendi a innoi.
S’in casu s’agevolatzioni fiat stètia giai arreconnòscia tocat a presentai sceti su documentu (ISEE o tzertificau de sa cunditzioni de handicap) chi cumprovit can ci sunt is cunditzionis netzessàrias po dda torrai a annoai