Regione Sardegna
S’amministratzioni comunali de Siapicia a pustis de sa tzirculari de sa Prefetura de Aristanis, in contu de s’acasàgiu de disterraus in su territòriu e de sa Deliberatzioni de sa Giunta Comunali e n° 10 de su 16/03/2022 fait a sciri a totu sa populatzioni ca a intru de su 31 de martzu 2022 fait a presentai a s’Ufìtziu de is Servìtzius Sotzialis (compilendi su mòdulu a posta) sa disponibilidadi po:
-Ponni a disponimentu una domu de propiedadi po s’acasàgiu de disterraus chi arribant de s’Ucraina.
-Arriciri in domu famìllias o pipius chi arribant de s’Ucraina.
Su Servìtziu Sotziali de su Comunu, cun s’agiudu de sa Prefetura e de is òrganus cumpetentis, at a ponni in contu sa disponibilidadi giada e s’at a incurai de s’acasagiadura (po imoi non si scit ancora nudda de agiudus in dinari chi s’ant a podi giai a is famìllias chi arricint is disterraus).
Si fait a sciri finsas ca:
-su lunis, de is cuatru a is seti de merii, in su Tzentru Sotziali s’arregollit cosa de papai, bistimenta, mexinas etc. paris a sa Caritas de Siamanna- Siapicia- Biddobrana (sa bistimenta depit essi in cunditzioni bella, pulia e beni pinnicada).
-s’arregollint finsas is adesionis po pigai parti a su progetu “un orsetto per l’Ucraina” chi bolit cuncordai animaleddus de pannu de giai in arregallu a is pipieddus arribaus de s’Ucraina,
Po totu is informus fait a tzerriai a s’Assistenti sotziali Nicoletta Accardo chi est a disponimentu a su nùmeru 0783.449017.
S’avisu in italianu e su mòdulu de compilai po giai is adesionis s’agatant publicaus in su giassu istitutzionali de su comunu de Siapicia.