Regione Sardegna
In is diis de beranu, in cust’ùrtimu coa de cida de martzu, su FAI (Fondo per l’Ambiente Italiano) proponit a is tzitadinus de scoberri is bellesas chi tenint “a canta a domu”. Gràtzias a su traballu de is voluntàrius e de is grupus FAI de sa Sardìnnia, sàbudu 26 e domìnigu 27 de martzu, s’at a podi andai a biri 10 giassus pagu connotus o chi non sèmpiri fait a abisitai ca mancari sunt serraus.
Est un’ocasioni dònnia annu noa e diferenti po connosci, scoberri e avalorai logus de su patrimòniu artìsticu, stòricu, archeològicu e culturali nostu.
Ocannu sunt 10 is logus sardus chi ant aderiu a is diis FAI de beranu sàbudu 26 e domìnigu 27 de martzu.
Unu de custus est in Barigadu, a pagu tretu de innoi. “De su romanu a su romànicu” est su nòmini de su percursu chi proponint su Comunu de Fordongianus. S’at a podi sighiri una bisita, fata de espertus, a sa crèsia romànica de Santu Lussòriu, a sa cripta e a sa necròpoli innia a giru e a s’anfiteatru romanu. Is bisitas ant a essi cuncordadas in oràrius diferentis e grupus de unas 15 personis, arrespetendi totu is arrègulas po parai fronti a sa Covid-19 (tzertificatzioni birdi, maschereddsa FFP2). Est mellus a si prenotai innantis intrendi a su giassu https://faiprenotazioni.fondoambiente.it/.../san.../!
Is atrus logus chi at a fai a bisitai in custas duus diis sunt: su parcu de Villa Asquer (in Assèmini), su Museu archeològicu natzionali Asproni (in Nùgoro), l’ex istitutu salesianu Sant’Eusèbiu e sa catedrali de Santa Maria Maddalena (in Lanusè), sa crèsia e su cunventu de Santu Pedru de Sorres (Borùta), sa catedrali de sa diòtzesi de Tèmpiu Ampùrias (Tèmpiu), su parcu de Villa Tamponi, Palatzu Colonna e Villa Clorinda (Terranoa), sa cava de Cala Francese (La Maddalena), is salinas de Conti Vecchi (Assèmini) e sa bateria militare Talmone (Punta Don Diego, Palau).
Po ligi totu su programma de is diis FAI intra a innoi