Regione Sardegna
Sa Prefetura de Aristanis, chi est cuncordendi is fainas po s’acasàgiu in totu sa provìntzia, at pregontau a is Comunus de arregolli is adesionis de tzitadinus privaus, struturas e assòtzius dispostus a giai acasàgiu a is tzitadinus ucrainus chi sunt fuendi.si de sa gherra, su prus sunt fèminas cun pipieddus e finsas pipieddus solus solus. Duncas su comunu domandat a totu is interessaus de fai a sciri sa disponibilidadi issoru su prus impressi chi fait nendi:
- cantu genti sunt dispostus a arriciri e chini (famìllias, minoris, fèminas);
- ita genia de acasàgiu podint giai (mandiari e ospedàgiu, ospedàgiu sceti, mandiari sceti);
- po candu giant sa disponibilidadi;
- indiritzu de su logu innui bolint giai acasàgiu e genia de fàbbricu (domu privada lìbera, domu privada cun bividoris, strutura turìstica etc.).
A giai sa disponibilidadi no cumportat perunu impènniu, sceti cussu de essi torraus a tzerriai po fueddai de sa chistioni. Po imoi no si scit nudda de contributus econòmicus chi s’ant a podi giai a chini arricit a is disterraus.
Po giai sa disponibilidadi fait a mandai una mail a su protocollu de su Comunu a s’ indiritzus de posta eletrònica tzertificada Questo indirizzo email è protetto dagli spambots. È necessario abilitare JavaScript per vederlo. oghinou a cussu de sa posta eletrònica ordinària Questo indirizzo email è protetto dagli spambots. È necessario abilitare JavaScript per vederlo.
In su giassu istitutzionali de su Comunu de Siamanna s’agatat publicau s’Avisu e su mòdulu po giai is adesionis.