Regione Sardegna
Is tzitadinus ucrainus sunt fuendi.sì de sa terra issoru e sunt arribendi in Itàlia e in Sardìnnia puru. Medas ant giai agatau acasàgiu in domu de amigus, parentis e gràtzias a su bonu coru de is assòtzius. Atrus disterraus sunt a canta de arribai e ant a tenni bisòngiu de unu logu a innui andai. In provìntzia de Aristanis comunus meda sunt giai arregollendi is adesionis de is tzitadinus.
Su sìndigu de Àllai puru at scritu un’avisu a is tzitadinus po nai a is chi sunt dispostus a acasagiai disterraus ucrainus de ddu fai a sciri a su comunu su prus impressi chi fait. Tocat a ponni in contu ca su prus de is chi ant a arribai ant a essi mamas cun pipius e podit essi chi nci siant pipieddus solus puru de acasagiai.
Po totu is informus e po giai sa disponibilidadi fait a tzerriai a su nùmeru 327.4070138 o a scriri a custus indiritzu de posta eletrònica Questo indirizzo email è protetto dagli spambots. È necessario abilitare JavaScript per vederlo. - Questo indirizzo email è protetto dagli spambots. È necessario abilitare JavaScript per vederlo..