Regione Sardegna
Cumentzat custu merii a is ses in su Tzentru de is Sevìtzius Culturalis de Aristanis sa de ses editzionis de “Fotogrammi femminili dal mondo”. A pustis de s’editzioni in streaming de s’annu passau, po nexi de sa pandemia, ocannu s’at a fai totu in presèntzia me in is localis de su Tzentru de is Servìtzius Culturalis – UNLA de Aristanis, arrespetendi is arrègulas po fai a mancu de ndi piscai e po no spraxi sa covid-19. Sa rassìnnia de film s’at a fai dònnia lunis de su mesi de martzu. Sunt cuatru film in totu e donniunu est su contu de diferentis genias de fèminas, chi bivint in diferentis giassus de su mundu e in situatzionis stòricas, econòmicas e sotzialis diferentis.
Su programma est custu:
Lunis, su 7 de martzu a is 18,00 Harriet de Kasi Lemmons 120′ (USA 2019).
Lunis, su 14 de martzu a is 18,00 La candidata ideale de Haifaa Al-Mansour 101′ (Arabia Saudita 2019).
Lunis, su 21 de martzu a is 18,00 Tracks – Attraverso il deserto de John Curran 112′ (Gran Bretagna, Australia 2014).
Lunis, su 28 de martzu a is 18,00 A Simple Life de Ann Hui 117′ (Hong Kong 2011).
Totu is film s’ant a fai in sa sala de su Tzentru de is Servìtzius Culturalis UNLA, in bia Carpaccio, 9 in Aristanis. Po biri is film non si pagat nudda. Est de importu s’arrespetu de is normas contras de sa Covid-19 chi connosceus totus beni.
Po intrai a is localis de su Tzentru de is Servìtzius culturalis tocat a amostai sa tzertificatzioni birdi (Super Green Pass) e a si ponni sa mascheredda FFP2.