Regione Sardegna
S’Assessorau a s’agricoltura at aprovau su bandu po giai is finatziamentus cunformas a sa sutamisura 6.1 de su PSR Sardìnnia 2014-2020 “agiudus po aviai impresas in favori de is giòvanus massajus”. Su scopu est cussu de favoressi s’intrada de giòvanus cualificaus in su setori agrìculu po tenni unu càmbiu de generatzioni .
Podint aprofitai de custu agiudu is giòvanus chi bolint cumentzai a traballai po sa primu borta in un’azienda agrìcula e essi a su cumandu de s’azienda.
S’agiudu chi si giait po aviai un’atividadi imprenditoriali po manus de unu giòvanu massaju est unu prèmiu forfetàriu de 35.000,00 èurus.
Po domandai su prèmiu tocat a essi residentis in Sardìnnia o a tenni sa tzitadinàntzia in unu de is stadus membrus de s’U.E. o parificau.
Is domandas fait a ddas presentai de su 1 de abrili 2022 a su 2 de maju de su 2022, po mesu de su sistema informativu de ARGEA.
Po ligi e castiai totu is documentus fait a intrai a su giassu istitutzionali de sa Regioni Autònoma de Sardìnnia innui s’agatant publicaus.