Regione Sardegna
Sa ASL de Aristanis at fatu a sciri ca immoi in su tzentru vatzinus de sa Rodia, in Aristanis, is chi tenint 12 annus, o prus de 12, podint lompi in deretura a fai su vatzinu sena bisòngiu de prenotai innantis. Tocat a portai in vatu sa tèssera sanitària e, si fait, su cunsensu informau e sa scheda anamnèstica giai cumpilaus, custus fògius fait a ndi ddus scarrigai de su giassu de s’ATS www.asloristano.it/argomenti/vaccinazionecovid19.
Abarrat invècias s’òbrigu a prenotai po totu is pipius de is 5 a is 11 annus in una de custas maneras:
- intrendi a su giassu https://prenotazioni.vaccinicovid.gov.it;
- tzerriendi su nùmeru de su tzentralinu 800 009966, ativu dònnia dii de is otu de mangianu a is otu de seru;
- in is ATM de is Postas e po mesu de is posteris.
Su tzentru vatzinus de sa Rodia aberit dònnia dii, de su lunis a sa cenàbura, a mangianu de is 09.00 a is 13.00 e a merii de is 15.00 a is 18.00.