Regione Sardegna
Si fait a sciri ca s’ Enti de Guvernu de s’Àmbitu de sa Sardìnnia (EGAS) at publicau su regulamentu po giai su Bonus sotziali ìdricu integrau po su 2022, su Bonus est un’agiudu straordinàriu in sa tarifa de s’àcua po favoressi is utentis, diretus o indiretus, chi tenint un’ISEE chi non propassat is 20.000,00 èurus.
Su tanti de su BONUS est de:
- 25,00 èurus po dònnia cumponenti de sa famìllia cun d-un’ISEE ordinàriu a suta de is 9.000 èurus,
- 20,00 èurus po dònnia cumponenti de sa famìllia cun d-un’ISEE ordinàriu de is 9.000 èurus e chi non propassit is 20.000 èurus.
Podit fait domanda chini:
- est residenti in unu de is comunus innui Abbanoa Spa gestit su servìtziu ìdricu;
- tenit unu cuntratu de fornidura de su servìtziu ìdricu integrau;
- tenit un’indicadori de ISEE ordinàriu chi non propassat is 20.000,00 èurus;
- s’agatat in una cunditzioni econòmica dificultosa.
Is domandas, cumpiladas e firmadas, bolint presentadas a intru e no a pustis de su 30 de maju de dònnia annu, paris a sa domanda tocat a nci ponni custus documentus puru:
- sa còpia de unu documentu de identidadi de chini fait sa domanda, chi non siat scadiu;
- una bulleta cumpleta de sa fatura de Abbanoa de s’utèntzia;
- sa còpia de s’ISEE ordinàriu chi non siat scadiu candu si fait sa domanda.
Is domandas fait a ddas presentai
- On line intrendi in deretura a su giassu bonusacqua.it;
- in sa posta eletrònica tzertificada a s’indiritzu chi giait su Comunu;
- a manus me in s’Ufìtziu de su Protocollu de su Comunu de residèntzia;
- in posta arrecumandada A/R (sa lìtera arrecumandada tocat chi arribit a s’indiritzu de su Comunu de residèntzia a intru e no a pustis de sa scadèntzia, est pretzisu a nai ca sa data chi est stètia mandada no at a essi pigada in cunsideru)
Totu is atrus informus fait a ddus pregontai me in is Comunus de residèntzia o a intrai a is giassus istitutzionalis insoru innui s’agatat publicau su regulamentu, s’avisu e fait puru a ndi scarrigai su mòdulu po fai sa domanda.