Regione Sardegna
S’assòtziu culturali Casa Natale Antonio Gramsci de Abas, a manus de pari cun s’assòtziu po Antonio Gramsci de Ilartzi e cun s’agiudu de s’Assessoradu a s’Istrutzioni Pùblica, Benis culturalis, Informatzioni, Spetàculu e Sport de sa Regione Sardìnnia betat su bandu po sa de XVIII editzionis de su Prèmiu literàriu Antonio Gramsci.
Su Prèmiu literàriu est nàsciu in su 1991 in ocasioni de is 100 annus de nàscida de Gramsci e si fait dònnia duus annus.
A printzìpiu fiat partziu in duus setzionis sceti: lìngua sarda e lìngua italiana, immoi is setzionis de su Prèmiu sunt seis:
- poesia inèdita in lingua sarda, a tema lìberu;
- poesia èdita in lingua italiana, a tema lìberu;
- contu inèditu in lìngua sarda, a tema lìberu;
- romanzu o arregorta de contus inèditus in lingua italiana; a tema lìberu;
- sagìstica, a tema gramscianu;
- fumetu, a tema gramscianu.
Is òperas ddas ligit e prèmiat una giuria de espertus e in mesu de totu cussas arribadas sceberat is mellus de totus, custas òperas ddas publicant in s’ Antologia Premio Gramsci , a incuru de s’Assòtziu, arribada immoi a sa de 7 editzionis.
Totu is interessaus a pigai parti a su prèmiu literàriu depint mandai is òperas insoru, fendi totu aici comenti cumandat is arrègulas de su bandu, a intru de su 15 de su mesi de cabudanni de su 2022.
Su bandu cumpletu est publicau in su giassu ufitziali de s’assòtziu www.casanataleantoniogramsci.org, innoi fait a ligi finas totu is atras fainas e cuncursus chi s’assòtziu cuncordat cun is tzitadinus, is giòvanus e is scolas po fai a connosci a Gramsci in Sardìnnia e in totu su mundu.
Po totu is informus fait a scriri a Questo indirizzo email è protetto dagli spambots. È necessario abilitare JavaScript per vederlo.