Regione Sardegna
Si fait a sciri a totu is tzitadinus interessaus ca sunt stètius torraus a aberri is tèrminis po fai is domandas po agiudus urgentis a favori de is famìllias (cunformas a su D.L. de su 25 de maju 2021 n.73 “Decreto Sostegni bis”, cunvèrtiu cun totu is mudaduras, cun sa lei n.106 de su 23 de trìulas 2021) acapiaus a s’emergèntzia de sa Covid-19.
Custu decretu disponit de portai a cumprimentu in su 2021 fainas urgentis po sa solidariedadi alimentari e po giai agiudus in dinai a is famìllias po pagai sa pesoni de domu e po is spesas de is utèntzias de domu.
Fait a presentai is domandas finsas a is 13.00 de su 25 de friàrgiu de su 2022.
Po arrici su bonus spesa podint fai domanda is famìllias de tzitadinus italianus o comunitàrius, o stràngius puru, cun permissu de sogiornu in règula, e chi arresurtant residentis me in su comunu de Zrofolliu candu est essiu su bandu e tocat a tenni un ISEE totunu o prus bàsciu de 16.500 èurus.
Po cali si siat atru informu, totu is interessaus podint tzerriai a s’Ufìtziu de is Servìtzius Sotzialis su lunis e sa cenàbura, sceti de is 10.00 a is 13.00, a su nùmeru 0783/27000 oghinou fait a ligi s’avisu cumpletu chi s’agatat publicau me in su giassu istitutzionali de su Comunu de Zrofolliu e innui fait a ndi scarrigai finsas su mòdulu po presentai sa domanda.