Unione dei Comuni della Bassa Valle del Tirso e del Grighine

Si fueddat meda de is diritus de is traballadoris ma pagu si pensat a is meris de domu chi nci passant giorronadas intreas fendi totu is fainas chi dònnia dii essint a pillu me in una domu e bortas meda arriscant de si strupiai puru. #perunavoltapensoame est su nòmini de una campànnia de sensibilizatzioni chi s’INAIL est mandendi a innantis po fai a connosci is perìgulus prus mannus chi podint acuntessi me in una domu e comenti totu fai a giai atintzioni. Esistit un’asseguratzioni obligatòria contras a is infortùnius chi bolit giai amparu a totu is chi de badas, sena paga ne cuntratu perunu, traballant dònnia dii in domu e atintzionant is familiaris issoru puru. Est òbligu a s’assegurai contras de is infortùnius chi podint capitai in domu po chini:

• tenit intra is 18 e is 67 annus fatus;
• fait is fainas de domu e atintzionat is familiaris;
• non tenit perunu cuntratu de traballu;
• traballat sèmpiri e sceti a intru de domu.

S'asseguratzioni obligatòria no est sceti po is meris de domu ma po is studiantis e pentzionaus puru!

Po totu is informus fait a ligi sa locandina chi fait a cumprendi beni beni comenti fai a mancu de si strupiai e ita totu tocat a fai po fai s’asseguratzioni.