Regione Sardegna
Bonus sotziali ìdricu integrativu po su 2022 e po is annus imbenientis in is àmbitus territorialis innui nc’est Abbanoa S.P.A.
Si fait a sciri ca s’ Enti de Guvernu de s’Àmbitu de sa Sardìnnia (EGAS) at publicau su regulamentu po giai su Bonus sotziali ìdricu integrau, un’agiudu straordinàriu po favoressi is utentis, diretus o indiretus, chi tenint un’ISEE chi non propassat is 20.000,00 èurus.
Su tanti de su BONUS, chi Abbanoa Spa at a giai in deretura in sa bulleta est de:
- 25,00 èurus po dònnia cumponenti de sa famìllia in casu de un’ISEE ordinàriu a suta de is 9.000 èurus,
- 20,00 èurus po dònnia cumponenti de sa famìllia in casu de un’ISEE ordinàriu de is 9.000 èurus e chi non propassit is 20.000 èurus.
Podit fait domanda chini:
- est residenti in su Comunu de Simaghis (innui Abbanoa Spa gestit su servìtziu ìdricu);
- tenit unu cuntratu de fornidura de su servìtziu ìdricu integrau;
- tenit un’indicadori de ISEE ordinàriu chi non propassat is 20.000,00 èurus;
- s’agatat in una cunditzioni econòmica dificultosa (comenti est scritu in sa decraratzioni de su mòdulu de domanda).
Is domandas, cumpiladas e firmadas, bolint presentadas a intru e no a pustis de su 30 de maju de dònnia annu, paris a sa domanda tocat a nci ponni custus documentus puru:
- unu documentu de identidadi de chini fait sa domanda, chi non siat scadiu;
- una bulleta cumpleta de sa fatura de Abbanoa de s’utèntzia;
- còpia de s’ISEE ordinàriu chi non siat scadiu candu si fait sa domanda.
Comenti presentai sa domanda
- On line intrendi a su giassu bonusacqua.it;
- in sa posta eletrònica tzertificada: Questo indirizzo email è protetto dagli spambots. È necessario abilitare JavaScript per vederlo.;
- a manus me is s’Ufìtziu de su Protocollu de su Comunu de Simaghis;
- in posta arrecumandada A/R (sa lìtera arrecumandada tocat chi arribit a s’indiritzu de su Comunu a intru e no a pustis de sa scadèntzia, est pretzisu a nai ca sa data chi est stètia mandada no at a essi pigada in cunsideru)
Totu is atrus informus fait a ddus pregontai tzerriendi a s’Ufìtziu de is Servìtzius Sotzialis a is nùmerus: Busia Giannina 0783. 4069204; Carcangiu Gianfranco 0783-4069206 – 215
In su giassu istitutzionali de su comunu de Simaghis sunt publicaus e fait a ndi scarrigai su regulamentu, su bandu e su mòdulu po fai sa domanda.