Regione Sardegna
Sa ASL de Aristanis at fatu a sciri ca immoi in su tzentru vatzinus de sa Rodia fait a fai su vatzinu sena de si prenotai. Custu perou balit sceti po totu is chi tenint sa tzertificatzioni birdi a canta a canta de scadessi.
Po totu is atrus invècias est òbligu a si prenotai in una de is maneras chi giai scidiant:
- intrendi a su giassu https://prenotazioni.vaccinicovid.gov.it;
- tzerriendi su nùmeru de su tzentralinu 800 009966, ativu dònnia dii de is otu de mangianu a is otu de seru;
- in is ATM de is Postas e po mesu de is posteris.
Su tzentru vatzinus de sa Rodia aberit dònnia dii, de su lunis a sa cenàbura, a mangianu de is 09.00 a is 14.00 e a merii de is 15.00 a is 18.00.