Unione dei Comuni della Bassa Valle del Tirso e del Grighine

Su comunu de Ollasta, de acòrdiu cun sa ASL de Aristanis, at cuncordau po su 31 de gennàrgiu a merii, cumintzende de is 15.30, me in is localis de sa palestra de sa scola mèdia, unu controllu cun tamponis antigènicus lestrus po su virus de sa Covid 19. Su test est gratis e no est òbligu a ddu fai ma est sceti po is voluntàrius. S’arresurtau de su test s’at a sciri a pustis de pagus minutus. Po fai su test tocat a portai in vatu sa tèssera sanitària e a cumpilai su mòdulu po giai su cunsensu informau. A is minorennis tocat chi ddus acumpangint is babbus o is mammas. Su screening est po totu is studiantis de is scolas mannas de segundu gradu chi sunt residentis in Ollasta. Comenti semperi, in casu abisongint atrus informus, fait a circai a is responsàbilis de s’Amministratzioni Comunali.