Regione Sardegna
Si fait a sciri ca de sa primu dii de friàrgiu a su 31 de martzu 2022 podint intrai a is ufìtzius pùblicus sceti is chi tenint is tzertificatzionis birdis Covid-19 (green pass) chi cumprovint una de custas cunditzionis:
- de essi vatzinaus contras de su Sars-Cov-2, a s’acabu de su tziclu vatzinali primàriu o de sa de tres dosis de richiamu;
- de essi sanaus de sa Covid-19, e de ai acabau su tempus de isulamentu previdiu po s’infetzioni de su Sars-Cov-2, dispostu cunformas a cantu stabiliu in is tzircularis de su Ministeru de sa Saludi;
- de ai fatu unu test antigènicu lestru o moleculari, custu ùrtimu mancai cun campioni de salia puru e arrespetendi cantu stabiliu me in sa tzirculare de su Ministeru de sa Saludi, arresurtau negativu a su virus Sars-Cov-2;
c bis. de essi sanaus de sa COvid-19 a pustis de ai fatu sa primu dosi de vatzinu o a s’acabbu de su tziclu vatzinali primàriu o a pustis de ai fatu sa de tres dosis de richiamu.
S’artìculu 1 lìtera c) e d) de su DPCM de su 21 de gennàrgiu 2022 at stabilidu ca su green pass no serbit po intrai me in is localis e ufìtzius de su Comunu po motivus de:
seguresa: po chi me in is’Ufìtzius de sa Guàrdia munitzipali siant asseguradas is fainas de traballu chi no fait a transiri, e finsas po prevenni e firmai atzionis contras de sa lei;
giustìtzia: po is servìtzius chi is Ufìtzius de is Servìtzius sotzialis de is comunus giaint a favori de minoris o interdetus in casu de denùntzia o de interventus giuditziàrius (fèminas o piciocheddus pitius vìtimas de violèntzia chi tenint abisòngiu de fueddai cun s’assistenti sotziali o de is sportellus a posta o de sa guàrdia munitzipali).