Regione Sardegna
Est cumentzada domìnigu 16 de gennàrgiu a is 9.30 in Rai 3 “Istòrias de cinema”, una trasmissioni in 3 puntadas chi fait a connosci 100 annus de tzìnema de Sardìnnia e in Sardìnnia. Sa trasmissioni bolit contai sa Sardìnnia, cun boxis noas e protagonistas de oi, sighendi is arrastus de su giornalista Giovanni Sanna, chi fiat stètiu unu de is autòris de “Da Cenere a padre Padrone, unu programma bellu meda chi a su cumentzu de is annus otanta aiat contau s’ìsula nosta in su tzìnema, cun s’agiudu de registas de importu comenti De Seta, lizzani e Rosi. In sa primu puntada s’antropòlogu Bachisio Bandinu e is espertus de tzìnema Antioco Floris e Myriam Mereu ant fueddau de tzìnema e maneras de contai su banditismu. De non perdi sa de duus e sa de tres puntadas, domìnigu 23 e domìnigu 30 de gennàrgiu 2022. S’apuntamentu est sèmpiri a is 9.30 de mangianu in Rai 3.