Regione Sardegna
Sa EffeAmbiente, sotziedadi chi tenit in gestioni su servìtziu de s’àliga me in S’Unioni de is Comunus de sa Baddi Bàscia de su Tirsu e de su Grìghini, fait a sciri ca, cunformas a cantu dispostu me in is lìnias guida de s’Istitutu Superiori de sa Sanidadi in contu de arregorta sceberada de s’àliga, is chi sunt arresurtaus positivus a su tamponi obligatòriu e is chi sunt in cuarantena obligatòria depint lassai sena de fai s’arregorta sceberada de s’àliga.
Totu s’àliga chi ndi bogant a pillu, de cali si siat genia chi siat, est de nci fuliai totu impari a s’indiferenziada.
Po nci fuliai s’àliga tocat a ponni nessi duus sachitus, aìnturu de pari o, si serbit prus de duus puru, est finas mellus a ponni unu strègiu a pedali.
S’arrecumandat de:
- serrai beni beni is sachitus ponendi.sì guantus de nci fuliai;
- no screfai is sachitus cun is manus;
- fai a mancu de fai intrai animalis de cumpangia in is localis innui ddoi at sachitus de àliga;
- nci bogai s’àliga de domu sighendi su calendàriu previdiu in su territòriu (s’àliga bolit lassada ananti de sa genna de domu in is strègius a posta, o fuliada aìnturu de is cassonetus de su condomìniu o de sa strada.
ANT A PASSAI A NDI DDA ARRETIRAI SU MARTIS E SA CENÀBURA
Torraus gràtzias a totus po s’agiudu!
Po atrus informus:
EFFE AMBIENTE s.r.l. CASTEDDU - Nùmeru birde gratis 800 180300
Tel. 070 9375513 - mail Questo indirizzo email è protetto dagli spambots. È necessario abilitare JavaScript per vederlo. – PEC Questo indirizzo email è protetto dagli spambots. È necessario abilitare JavaScript per vederlo.